RSS Qidalandırıcısı

“Neftçi”nin bostanına daş atanın, həyətinə kubik atarıq”…


Kamran Ağayev yerini bilsin və cızığından çıxmasın…“Kamran 2 ildi “Neftçi”yə gəlmək istəyir, götürmürük deyə yana-yana qalıb”Mayın 18-də keçirilən “Neftçi” – “Xəzər Lənkəran” oyunundan sonra Kamran Ağayev elə bir müsahibə verdi ki, bəlkə də “Neftçi”ni tarixi ərzində bu qədər sərt və kəskin tənqid edən olmamışdı. Qol.Az-ın məlumatına görə, “Xəzər Lənkəran”ın qapıçısı açıq şəkildə “Neftçi”nin hakimlərin köməyilə çempion olduğunu, ÇL-də biabırçı hesablarla uduzub rüsvay olacağını deyib. “Neftçi” tərəfinin cavabı özünü çox gözlətmədi. Klubun Mətbuat və İctimaiyyətlə Əlaqələr Departamentinin rəhbəri Elnur Əşrəfoğlu Kamran Ağayev haqqında aydın səmada şimşək effekti yaradacaq  sözlər deyib.

“Hər şey göz qabağındadı. Çempion olduq. Özü də necə. Ötən mövsüm 5-ci olandan sonra prezidentimiz Sadıq Sadıqovun rəhbərliyi altında indiki uğurun təməlini qoyduq. Heyətdən 17 nəfəri göndərdik. Yeni komanda qurduq və görülən işlər bəhrəsini verdi”.

“Neftçi” rəsmisi “Xəzər Lənkəran”ın qapıçısı Kamran Ağayevin ittihamlarını cavablandırnmağı özünə borc bildi: “Neftçi”ni gözü götürməyənlər var. Paxıllar çoxdu. Biri elə Kamran Ağayev. Kamran üçün gündəlik həyatda da xətt çəkilməsini təklif edirəm. Bəli, düz eşitdiz – xətt. Xətt çəkilməlidi ki, yerini bilsin və cızığından çıxmasın”.

Elnur Əşrəfoğlunun Kamran barədə şok xəbər verdi. Onun sözlərinə görə “Xəzər Lənkəran”ın qapıçısı “Neftçi”də oynamaq istəyir.

“Kamran 2 ildi “Neftçi”yə gəlmək istəyir. Qapıçılarla işləyən məşqçimiz Neboyşa Mixayloviçə yaxınlaşaraq istəyini dilə gətirib. Onun fikri-zikri “Neftçi”də oynamaqdır. İndi götürmürük deyə qalıb yana-yana. Nə gəldi danışır. Bəlkə fikirləşir ki, bu cür danışmaqla  Mais Mənsimovdan ənam alacaq”.

“Neftçi”nin sözcüsü Kamran Ağayevin antifutbol ittihamlarına da mübasibət bildirdi: “Nə antifutbol? Hakim “Xəzər Lənkəran”ın futbolçusuna qırmızı vərəqə göstərdi? Bəlkə biz ayrı oyuna baxmışıq? Kamran özünə baxsın. Qolu onun “quş”undan sonra vurduq.  Azlıqda ikən “Neftçi” daha yaxşı futbol nümayiş etdirdi”.

Sonda Elnur Əşrəfoğlu Kamran Ağayevə “Neftçi”yə “ilişməməyi” tövsiyyə etdi: “Kamran Ağayev məhəllə uşaqlarını başına yığıb almanlardan 6 top buraxması danışsın. Avrokuboklarda Moldova klublarına uduzmaqlarının səbəblərini izah etsin. “Neftçi” ilə işi olmasın. “Neftçi”nin bostanına daş atanın, həyətinə kubik atarıq”.

Advertisements

Ağalar Mikayıllı haqqında

Mikayıllı Ağalar Agaxəlil oğlu. Bakı şəhərində anadan olmuşam. Azərbaycan Kooperasiya Universitetini bitirmişəm. "Engin Ltd" şirkətində Satış Operatoru vəzifəsində çalışıram. Bununla da yanaşı Azərbaycanın ən böyük QHT-si olan "İRƏLİ" İB-in aktiv üzvlərindən biriyəm!!! Postlarımın çoxu ən aktual mövzular və qarşılaşdığım maraqlı, yadda qalan, xoş hadisələrlə bağlıdır...

Şərh üçün bağlıdır.

%d bloqqer bunu bəyənir: