“AZƏRBAYCANIN SƏSLƏNDİRDİYİ HƏRBİ BƏYANATLAR RİTORİKA DEYİL”…

Milli Məclisin birinci vitse-spikeri: “Azərbaycan tərəfinin səsləndirdiyi hərbi bəyanatlar ritorika xətrinə deyilmir”.“Ermənistanın danışıqlarda imitasiya etməsi dəqiq məlum olandan sonra inanın ki, Azərbaycan Ordusu çox qısa müddət ərzində qarşısına qoyulan vəzifəni yerinə yetirməyə hazırdır”.Bu açıqlamanı jurnalistlərə Milli Məclisin birinci vitse-spikeri Ziyafət Əsgərov verib.  Z. Əsgərov bildirib ki, Azərbaycan tərəfinin səsləndirdiyi hərbi bəyanatlar söz xətrinə verilmir: “Bu ritorika xətrinə deyiləsi söz deyil, reallıqdır. Bu gün Azərbaycanın iqtisadi və hərbi büdcəsi imkan verir ki, biz qısa müddət ərzində bu işi yerinə yetirə bilərik. Amma yenə də müəyyən qədər ümidlərimiz var. Yəqin ki, danışıqlar prosesi nəticə verə biləcək”.